Асуулт: Бэлгийн харьцаанд орсны дараа миний бэлэг эрхтэн, хэлүү, уруул зэрэг загатнаад байх юм. Урьд нь огт тэгж байгаагүй, нөхөрт маань ямар нэг өөрчлөлт өвдөлт зовиур байхгүй гэх юм. Харин сайн ажиглавал шээсний сүв нь бага зэрэг улаан, тойроод мааш жижиг цагаан юмнууд гарсан ч юм шиг. Бид 2 секстээ бие биедээ их тохирсон бас бие биедээ их итгэдэг. Хамт амьдраад 8 жил болж байна. Нөхрийнхөө үрийн шингэнээс харшил авна гэж байхгүй биз дээ?

Хариулт: Мөөгөнцөрийн шинж тэмдэг байна даа. Ер нь мөөгөнцөр, вирус хоёр хүн болгонд байдаг. Тодорхой хэмжээгээр вирусээ дарангуйлах эм тариа хэрэглэхээр мөөгөнцөр ихэсдэг. Ийм үед бэлгийн замаар халдварлах халдварт өвчин болдог юм. Хэлүү нь загатнаж улайх, эрэгтэйд илэрч буй шинж тэмдэг ч гэсэн мөөгөнцөрийн талын эмчилгээ хийлгэх хэрэгтэй болжээ. Мөөгөнцөр хэдийгээр бэлгийн замаар халддаг ч үүсэх гол нөхцөл нь эм тариа удаан хугацаагаар хэрэглэснээс болдог гэдгийг хэн хэн нь ойлгох хэрэгтэй.

Асуулт: Эхнэр бид хоёр долоо хоногт 3-4 удаа бэлгийн харьцаанд ордог. Гэтэл сүүлийн үед үрийн шингэн нэг л бага болчихсон юм шиг санагдаад байх юм. Хэтэрхий ойрхон сексдээд байгаа юм болов уу? Үрийн шингэний хэмжээ өөрчлөгдөнө гэж байдаг юм уу?

Хариулт: Ойр ойрхон олон удаа бэлгийн харьцаанд орсоноос шалтгаалан үрийн шингэний хэмжээ багасах, бүр байхгүй болох нь ч бий. Учир нь үрийн шингэн нь тодорхой хугацаанд нөхөн боловсруулагддаг. Долоо хоногт 3-4 удаа харьцаанд орж байгаа үед үрийн шингэн багасах нь түрүү булчирхайн үрэвслийн шинж тэмдэг байхыг үгүйсгэж болохгүй. Мөн нас ахих тусам үрийн шингэн багасдаг тул 40-өөс дээш насанд ийм үзэгдэл гарч болох юм.