Асуулт: ? Миний эрхтэн боссон үедээ 10 см орчим байдаг энэ хэр жижиг вэ.? Томруулдаг тос бэлдмэл хаанаас авч хэрэглэж болох вэ? Хэр томрох бол

Хариулт: Эрчүүдийн байнгын ярьдаг нэг асуудал бол эрхтэн томруулах асуудал байдаг. Би чамайг эрхтэнээ яг яаж хэмжсэнийг сайн мэдэхгүй байна. Зөв хэмжиж чадсан болов уу. Шугамаа умдагны ясанд сайн тулгаж байж хэмждэг. Энд диаметр, умдагын үсний хэмжээ, хөгжил, гэр бүлтэй эсэх гээд олон юм дутуу байна. Тэгэхээр ирээд үзүүлчихвэл нэг их цаг зав зардал гарахгүй дээ. Бэлдмэлийн тухайд бол дур мэдэн хэрэглэж болдоггүй, үнэхээр шаардлагатай бол эмчийн хяналтан дор өгдөг зүйл. Манай энэ төрлийн гармоны бэлдмэл тийм ч элбэг байдаггүй.

Асуулт: Би 22 настай, 180 см өндөр, 110 кг жинтэй. Гэвч миний шодой жирийн үед 5 см, хөвчрөхөөрөө ердөө 10 см болох юм. Би үүнд маш их гутардаг. Би номноос эрхтэнээсээ юм дүүжилж сунгах, сордог аппарат ашиглах тухай уншсан. Мөн JUPITER гэдэг бэлдмэл эрхтэн томруулж, чалх сайжруулдаг гэсэн хэрэглэвэл болох болов уу. Мэргэжлийн эмч та юу гэж зөвлөх вэ?

Хариулт: Өөрөө хэмжсэн болохоор 5, 10 см гэдэг эцсийн дүгнэлт биш шүү. Эцсийн үнэн зөв хэмжээ, онош, эмчилгээг мэргэжлийн эмч л гаргадаг. Үнэхээр бага байвал бид дасгал, томруулах эм, тариа хэлж өгдөг. Дур мэдэн шүршдэг эм, аппарат гэх мэтийг хэрэглэж болохгүй, гялалзтал үр дүн өгдөг эд ч биш. 22 настай хүүхдэд 110 кг гэдэг таргандаа орно. Тэгэхээр арьс нь маш зузаан байдаг учраас эрхтэн нь шигдэж орчихоод жижигхэн юм шиг санагддаг. Ийм хүмүүс олон байдаг. Чи утсаар яриад юмуу эсвэл ирээд үзүүлчих. Тэгж байж сэтгэлийнхээ гутралыг арилга.

Асуулт: Миний хүү 12 настай ч ерөөсөө ичдэггүй гэртээ нүцгэн гүйж байдаг. Хамгийн гол нь хүүгийн маань бэлэг эрхтэн анх гарч байсан шигээ жижиг, 2 төмсөг нь хүртэл жижигхээн. Эрхтэн нь хэзээ томрох юм бол, үүнд маш их санаа зовж байна. Аав нь их жижигхэн эрхтэнтэй, гадаад төрхөөрөө аавтайгаа адилхан эрхтэн нь бас дуурайна гэж байх уу? Би яах вэ, хаана хандах вэ?

Хариулт: 12 настай хүүхдийн бэлэг эрхтнийг хөгжилгүй жижиг гэдгийг эцэг эхчүүд өөрсдөө тогтоох боломжгүй. Тарган хүүхэд шигдэж орчихоод анх гарсан шигээ байгаа мэт санагдана. 12 настай хүүхдийн төмсөгний тухайд бол 18 нас хүртлээ хөгжинө. 15, 16 насанд эрэгтэй хүүхдэд бэлгийн бойжилт явагдаж хоёрдогч шинж тэмдгүүд илэрч эхэлнэ. Умдаганд үс ургах, сахал гарах зэрэг шинж тэмдгийг хүлээх хэрэгтэй. Тэрнээс биш өөрсдөө шугамаар хэмжээд, хөршийнхөө хүүхэд эсвэл аавынх нь эрхтэнтэй харьцуулах нь оношлогооны хэрэгсэл биш л дээ. Энэ бүхнийг зөвхөн мэргэжлийн эмч л тогтооно. Ер нь бол удамшлын шинжтэйгээр эцэг эхээ дуурайх тохиолдол байдаг ч 100 хувь биш л дээ. Түүнчлэн бэлгийн гармоны хожуу хөгжил гэж бий. Ямар ч байсан та мэргэжлийн эмчид хандаж хүүгээ үзүүлээрэй.

Хариулт: Варикоцел гэдэг төмсөгний гадна талын арьсны судас өргөсөхөд хийдэг хагалгаа. Цавиных нь дээр анх орж ирж байгаа судсыг боож хийнэ. Төвийг нь боочихоор захын судсуудаараа дагаад явчихдаг. Та судасаа авахуулсан гэж буруу ойлгосон байна. Сүүлийн үед төмсөг чинь өвдөж зовиурлаж байгаа бол хагалгаа хийсэн газраа ханд. Энэ хагалгааны дараа уг нь ийм хүндрэл үүсдэггүй, гэхдээ л тухайн эмчдээ хандаж үзүүлэх хэрэгтэй.

Хариулт: Ер нь эрчүүдийн дунд хөвч таслуулахаар бэлэг эрхтнийхээ толгойг томорно гэсэн ойлголт байдаг учраас таслуулахыг их хүсдэг. Эрүүл хүмүүсийн хөвчийг таслаад өгч болно, гэсэн ч биед ямар нэг өөрчлөлт орохгүй. Нэгэнт хөгжөөд томорсон эрхтэн нэмж томорно гэж байдаггүй. Сэтгэлзүйн зовиураас л гарах юм даа. Тэгэхээс анатоми физиологийн хувьд заавал таслах шаардлагагүй. Таслах шаардлагатай хэдхэн тохиолдол бий. Хөвчний сунамтгай чанар алдагдах, хагас дутуу урагдсан үед гүйцээж тасладаг. Шашинтай холбоотойгоор лалууд, казакууд хүүхэд байхад нь хийдэг. Таны хувьд яаралтай таслуулах хэрэгтэй гэж байгаа бол би 99160232 гэсэн утсаар мэс заслын эмчид хандаж болно. Тодорхой байр нөхцөлд аюулгүй байдалд хийдэг жижигхэн мэс засал.

Асуулт: Миний бэлэг боссон үед үзүүр хэсгээрээ их өвдөлт мэдрэгдэх юм. Эрхтний үзүүр хэсгийн арьс хойшоо сайн шамрахгүй, эрхтний толгой сайн гарч өгөхгүй арьс нь их татагддаг. Хөвчөө тасалбал энэ байдал хэвийн болох болов уу? Үүний сайн болон муу тал нь юу вэ?

Хариулт: Эр бэлэг эрхтэн хөвчирсөн үедээ ямар нэг өвдөлт зовиур мэдрэх ёсгүй. Таны хувьд хэд хэдэн шалтгаан байж болно. Арьсны бүрэн бүтэн байдал, хөвчний сунамтгай чанар муудах гэх мэт. Та бас л үзүүлэх шаардлагатай. Энэ асуудалд бол бас л их цаг, их мөнгө орохгүй. Шаардлагатай бол үзээд хөвчийг таслана. Ингэснээр ямар нэг сөрөг муу нөлөө байхгүй. Яг нүдээр үзээд оношлуулсан нь хамаагүй илүү үр дүнтэй гэдгийг хэлмээр байна.

Асуулт: Би 19 настай. Хоёр удаа л хүнтэй хавьтаж үзсэн. Үүнээс хойш дандаа гар хангалга хийдэг болсон. Дур тавихдаа ч сайн, надад үнэхээр тааламжтай байдаг. Гэтэл гар хангалга их хийхээр сүүлдээ хурдан тавьдаг болдог гэх юм. Бас би байнга секс хийхийг хүсдэг, эмэгтэй хүний гуя, хөх харахаар эрхтэн маань босчихдог. Өдөрт 4-5 удаа, заримдаа 7 хоногт 2 удаа хийнэ. Би ингээд яваад байсан дээр үү, эсвэл секс хамтрагчтай болсон нь дээр үү? Надад туслаач?

Хариулт: ДОХ, БЗХӨ авч байснаас хааяа нэг гар хангалга хийх нь залуу хүмүүст тийм буруу зүйл биш. Гэхдээ үргэлж хийж болохгүй. Яагаад гэхээр эмэгтэй хүнтэй ойртлоо, гэр бүлтэй боллоо л гэхэд дур тавьж чадахгүй зөвхөн гар хангалагандаа л дур тавьдаг болно. Гар хангалга бэлгийн сулралын үндсэн шалтгаан болох нь ч бий. Өдөрт 4 - 5 удаа гэдэг бол байж болшгүй зүйл. Секс их хүсдэг гэж байгаа юм чинь найз охинтой болоод энэ асуудлаа шийдэх хэрэгтэй. Дандаа гар хангалгаар сексийн амьдрал зөв явахгүй.

Асуулт: Би найз залуутайгаа сексийн харьцаанд ороод 7 сар боллоо. Энэ хугацаанд янз бүрийн өвчний шинж илрээгүй. Харин өчигдөр секс хийсний дараа тэр сая эрхтэн маань их хорссон, жаахан язарсан байна гэсэн. Өглөө нь тэр хэсэг нь яршсан байна гэсэн. Энэ юунаас болсон юм бол? Надад туслаач.

Хариулт: Хамгийн гол нь эмэгтэйгийнх нь үтрээ их хуурайшсан эсвэл янз бүрийн үрэвсэлт өвчинтэй ч байж болох юм. Ийм нөхцөлд эмэгтэй нь эмчид хандах ёстой. Эрэгтэйгийн хувьд үнэхээр их хорссон өвдсөн гэдэг бол магадгүй хөвч нь их богинохон байж байгаад тасраад язарсан байж болно. Мөн бэлгийн толгойн арьсны херпис гээд янз бүрийн өвчин бий. Махлаг эрчүүдийн хувьд сахарын шижин өвчний үед их язарч, хорсч улайдаг. Би таны найзыг өөрөө үзлэг хийгээгүй болохоор урьдчилан онош тавих боломжгүй. Үзээд, хараад, шинжилгээ хийгээд оношлоод ирсэн цагт энэ байдалд арга хэмжээ авах бүрэн дүүрэн боломж бий.

Асуулт: Уг нь бага байхад нь мэс заслын аргаар буулгадаг гэж сонссон. Одоо 24 настай. Одоо мэс засал хийлгэж буулгаж болох уу. Заавал буулгах ёстой юу, буулгахгүй бол яах вэ?

Хариулт: Эвэрхий цавины, цагаан цоройн гээд олон янз бөгөөд төрөлхийн олдмол, мэс заслаас үүдэлтэй байж болно. Энэ бол өвчин. Та мэс заслын болон бөөрний эмчид үзүүлж оношлуулах шаардлагатай. Гэхдээ энэ залуугийн хувьд буруу ойлголттой яваа юм байна. Учир нь төмсөгний ивэрхий гэж байдаггүй. Миний бодлоор төмсөг нь цавиндаа юмуу хэвлийн хөндийдөө төрөлхийн гаж хөгжилтэй байх. Гэхдээ нарийн сайн үзмээр юм байна. Үүнийг үзүүлэхгүй бол хорт хавдар болдог аюултай. Хурдан үзүүлээд холбогдох арга хэмжээг нь мэргэжлийн эмчээр авахуулах хэрэгтэй. Өмнө нь буулгах гэж оролдсон бол бас хэцүү, наалдац үрэвсэл үүссэн байхыг үгүйсгэхгүй.

Асуулт: Би 32 настай. Эрхтэнийхээ хөвчийг таслуулах гэсэн юм. Ямар нэгэн сөрөг нөлөө байх болов уу ? Хаана ямар эмнэлэгт хийдэг вэ ? Хэр их өвддөг , эдгэрлэлт нь хэр хурдан байдаг талаар зөвлөгөө өгөөч.

Хариулт: Хөвчөө таслуулах нь сайн зүйл, таслуулах ч ёстой. Энэ нь нэг талдаа боожгойны шамрангийн арьс хойшоо чөлөөтэй эргэдэг болно, хөвч нь татагдах энэ тэр гэсэн эмзэглэл байхгүй болно. Нөгөө талаасаа жаахан урт болох, толгой нь багахан томрох тал бий. Ямар нэгэн сөрөг муу нөлөө бол байхгүй ээ. Эдгэрэлт хурдан 7-14 хоногт ямар ч зовиургүй болно.