Асуулт: Би 28 настай. Миний өндгөвчийг том байна гэсэн. Юунаас болж өндгөвч томордог юм бэ? Энэ нь ямар нэгэн хор нөлөө бий юv?

Хариулт:

Ямар vзлэг, шинжилгээ vндэслэж томорсон гэхээс хамаарна. Хэдийгээр өндгөвчний хэвийн хэмжээ 2 х 3 см гэх боловч хvн болгоных адилгvй, нөхөн vржихvйн нас, сарын тэмдгийн vе шат, жирэмслэлт, vргvйдэлт гээд олон шалтгаанаас томорч болно. Юуны өмнө өндгөвчний хавдар, хавдар төст эмгэг өөрчлөлтийг vгvйсгэх хэрэгтэй юм байна. Динамик vтрээ-шулуун гэдэсний vзлэг, эсвэл динамик vтрээний эхо оношлогоо зэрэг шаардлагатай. Хэрэв жирэмслэдэггvй, сарын тэмдэг тогтмол бус бол бие даасан эмгэг байж болох юм. Мөн тvгээмэл нэгэн асуудал бол өндгөвчний уйланхай. Эдээр бvгдийг ялган оношлож байж хор нөлөөний талаар ярих нь зvйтэй.

Aсуулт: Би удахгvй 30 хvрнэ. Аав архи уудаг, ээжтэй минь хатуу ширvvн харьцдаг байснаас ч болсон уу, би эрчvvдэд дургvй. Vvнээсээ болоод эрэгтэй хvнтэй унтах нь битгий хэл ойр дотно танил эрэгтэй хvн ч байдаггvй. Сvvлийн vед харин ер нь хvнтэй огт унтахгvйгээр байгаад л байвал яах бол гэдэг бодол намайг зовоох боллоо. Онгон хальс нь цоорохгvй байгаад л байвал яах вэ? О УБ хот.

Хариулт:

Эрэгтэй хvн бvр архи ууж, авгай хvvхэн дарамтлахгvй шvv дээ. Огт бэлгийн харьцаанд орохгvй байна гэдэг нэг талаас олон янзын өвчин эмгэг, эрсдэлээс өөрийгөө хамгаалж байна гэсэн vг. Нөгөө талаас эмэгтэй хvн болж төрсний хэрэг мөн амьдралын нэгэн сайн сайхан зvйлийг мэдрэхгvй, амсахгvй явна гэсэн vг л дээ. Эрvvл бэлгийн харьцаа бол насанд хvрсэн ямар ч хvнд сайнаар нөлөөлнө. Онгон хальс гэх зvйл маань уугаасаа цоорхой байдаг. Тэгээд ч сарын тэмгийн vед цус гардаг нь тэр. Гагцхvv vтрээний бэлгийн хавьталд орсноор хальс урагдаж, цоорхой томроно. Бэлгийн харьцаанд орсон хэрнээ онгон хальс нь урагдаагvй хэвээрээ байж бас болдог. Үтрээгээр биш тогтмол бэлгийн амьдралтай онгон хальс нь урагдаагvй явдаг хvмvvс бий. Хvн болгоных янз бvр юм даа. Иймд цоорохгvй байлаа гээд ямар нэгэн муу зvйл танд болохгvй гэж ойлгоорой.

Асуулт: Би 19, нөхөр маань 22 настай. Бид гэрлээд удаагvй ч анхны унталтаас эхлээд л одоог хvртэл өвдөлт мэдрэгдсээр л байгаа. Зарим байрлалд бvvр илvv өвддөг. Сексийн дараа миний хярзан хавиар хорсдог юм. Тэр хавиар сэтэрч зvсэгдсэн юм шиг нэг хэсэг шарх байдаг. Эмчид vзvvлэхэд хярзан чинь арай л өндөр юм байна гэсэн. Тvvнийг ямар нэг аргаар засуулах шаардлагатай болов уу эсвэл аяндаа зvгээр болох уу? Энэ эмгэг vv? Бид хоёр ойрын vед хvvхэдтэй болохоор төлөвлөж байгаа. Гэтэл төрөхөд хярзан илvv их урагдаад аймаар юм болох болов уу,

Хариулт:

Олон шалтгаан байж болно. Залуу хосуудын тvгээмэл явдал бол эр бэлэг эрхтэн хөвчрөн босоход харьцаа эхлэх дохио мэт боддогт байдаг. Эмэгтэй хvний дур сонирхол, сэрэл хангалттай болсон, vтрээний орох хэсгийн булчирхайн шvvрэл хангалттай болж vтрээг чийглэсний дараа хавьталд орвол өвдөлт мэдрэгдэх явдал vгvй. Дараа нь хорсож өвдөнө гэдэг vvнтэй холбоотой хярзан орчмын арьсанд бичил язралт vvссэнээс болдог. Сэтэрч зvсэгдсэн юм шиг гэдэг нь vvний гэрч биз. Ийм байхад арьсний хамгаалах vvрэг алдагдаж, аливаа халдвар, vрэвсэл болох эрсдэл нэн өндөр болдог. Хярзан дээр доор гэх нь зөвхөн тухайн хvний онцлог тул өөртөө тохирсон тааламжтай байрлалд харьцах хэрэгтэй биз. Гэхдээ залуу хосууд янз бvрийн туршилт их хийж байж, сая санаа цадаж тогтдог талтай. Хярзанг мэс заслаар засуулах ямар ч шаардлага байхгvй. Ийм тохиолдолд тийм эмнэлгийн заалт ч vгvй. Эмэгтэй хvн жирэмслэхэд бие, организмд гайхамшигтай өөрчлөлтvvд гарч, төрөлтөнд бэлтгэгддэг. Vтрээ, хярзан, гадна бэлэг эрхтэн хөвсийн томорч, хэт уян зөөлөн, сунамтгай болдог тул төрөлтийг зөв удирдсан vед заавал урагдал гарах албагvй. Урагдлаас сэргийлэх эх барих талаас олон арга бий шvv дээ.

Асуулт
Судасны бvдvvрэлтэй хvн хvvхэд гаргаж болдоггvй юм уу? Би бvр бага байхаасаа хөлийн судас бvдvvрээд хөхрөөд гараад ирчихсэн юм. Заримдаа их халуунд юм уу удаан алхаж, гvйж харайхад хагараад хөл хөхөрчихдөг. Найз маань ийм хvн хvvхэд гаргах осолтой гээд байх юм vнэн vv? Vvнийг яаж эмчилдэг юм бэ? П. 24 н. УБ

Хариулт
Хөлийн судас бvдvvрнэ, өргөснө гэдэг нь вений судсан дахь цусны эргэлт хангамжтай шууд холбоотой. Жирэмслэх, төрөх vед тодорхой хэмжээний эрсдэлтэй. Гэхдээ жирэмслэж, төрж болохгvй гэсэн vг биш. Болно. Жирэмслэхийн өмнө шаардлагатай гэвэл хөлийн судсандаа мэс заслын эмчилгээ хийлгэх хэрэгтэй. Мэс заслын эмчилгээ шаардлагагvй гэвэл төрөх газраа буюу эх барих эмэгтэйчvvдийн хяналтанд эрт орох хэрэгтэй. Төрөх vйл явцыг маш сайн удирдах хэрэгтэй. Наад зах нь хөлий нь биетэй нь холбож ороох зэрэг төрөх vед авдаг тусгай арга хэмжээнvvд байдаг.

<Асуулт: Би 24 настай, долоон сартай жирэмсэн анхны төрөлт. Төрөх ойртох тусам бага зэрэг айдас төрөөд байдаг болсон. Гэтэл саяхан нөхөрт маань “Сvvлийн vед төрөхөө дөхөөд ирэхээр өдрийн сайныг сонгож байгаад л хvсэлтээрээ кесарево хийлгэдэг болсон. Косметик хагалгаа хийлгээд косметик оёо тавиулчих. Өвдөж зовохгvй амар шvv дээ” гэж хvн зөвлөсөн байх юм. Жамаараа төрөхгvй ингэж төрөх нь эх, хvvхэд хоёрт ямар нэг муу нөлөөгvй гэж vv?

Хариулт:

Олон талтай асуудал. Барууны зарим орнуудад зөвхөн эмэгтэйн хvсэлтээр кесар хагалгааны аргаар төрvvлдэг явдал бий. Ихэвчлэн гоо сайхны заалтаар хийдэг болов уу. Манайд тодорхой эх урагт хvндрэл гарч болзошгvй эрсдэлтэй vед эмнэлгийн заалтаар кесар хагалгаагаар төрдөг. Тийм амар амархан зvйл биш шvv дээ. Хагалгаа бол хагалгаа тодорхой эрсдэл vргэлж байдаг. Давтан жирэмслэлт, төрөлт мөн л риск. Ихэвчлэн дахиад л хагалгаа хийдэг. Эмнэлгийн заалтаар хэвийн кесар хагалгаа хийгдсэн тохиолдолд эх хvvхэд хоёрт ямар нэгэн муу зvйл байхгvй гэж болно. Иймд ямар нэгэн эрсдэл, заалт vгvй бол төрөх замаараа ердийн төрөх нь зvйтэй шvv.

Xариулт:

Хvvхэд төрөөд 7 сар болоод байхад умай агшаагvй байна гэдэгт би эргэлзэж байна. Vнэхээр умай агшаагvй том хэвээрээ байгаа бол ямар нэг хэмжээгээр доошоо цусархаг ялгадас гарах ч юм уу өөр бусад шинж тэмдэг илэрч байх ёстой. Харин өндгөвчтэй холбоотой ямар нэг vvсгэвэр тухайлбал киста, уйланхай байж болох юм. Бас угаасаа бага зэрэг том умайтай хvн ч байдаг. Гэхдээ мэргэжлийн эмчид vзvvлэх шаардлагатай.

Асуулт: Би төрөөд 45 хонож байна. Ямар нэг хvндрэлгvй хэвийн төрсөн, анхны төрөлт. Төрсөний дараа эмэгтэй хvний биед их л өөрчлөлт гардаг гэсэн. Бэлгийн харьцаанд хэзээ орж болох вэ?
25 н. Оюунаа Дархан хот

Xариулт:

Одоо бэлгийн харьцаанд ороход vндсэндээ болно. Төрсний дараахь 9 долоо хоногт ямар нэгэн ялгадас гарах асуудал байдаг тул халдвараас сэргийлэхийн тулд эр эм хоёулаа ариун цэврийн дэглэм сахих хэрэгтэй.

АСУУЛТ
Би жирэмслэлтээс хамгаалах тариа хийлгээд 2 жил гаруй сарын тэмдэг огт vзэгдээгvй. Гэтэл тариа хийлгэхээ больсноос хойш дахин хоёр дахь жилдээ сарын тэмдэг ирэхгvй байна. Би уг нь энэ жил хvvхэд гаргая гэж төлөвлөж байсан юм. Одоо тэр чигээрээ хvvхэд төрvvлж чадахаа больчих вий гэж сэтгэл их зовниж байна. Яах вэ? /Т. 34 н. УБ/

ХАРИУЛТ

Манайд хамгийн тvгээмэл хэрэглэж байгаа гормоны гаралтай депопровера гэж тариа эмэгтэй хvний биенд янз бvрийн нөлөө vзvvлж байна. Цөөн бус эмэгтэй ийм асуудалтай ирдэг. Энэ тарианаас болж сарын тэмдгийг урт богино янз бvрийн хугацаагаар хоригдох, эсвэл цус алдалт болох нь хамгийн тvгээмэл байгаа юм. Эмэгтэй хvний бие амьдрахуй, тогтнохуйн өөрийн гэсэн горим, циклтэй шvv дээ. Уг тариа энэ горимыг алдуулж байгаа хэрэг л дээ. Энэ нь тийм сайн зvйл биш. Уг нь өрхийн эмнэлгийн нөхөн vржихvйн кабинетууд нутаг дэвсгэрийнхээ эмэгтэйчvvдийг сайн vзэж, судлаад яг тухайн хvнд таарсан ерөндөг, бэлгэвч болон бусад хамгаалах хэрэгслийг нь vнэ төлбөргvй өгч байх учиртай юм л даа. Жишээ нь ерөндөг тавиулъя гээд над дээр ирдэг. Гэтэл би тухайн хvнд тавих ерөндөгийг нь эмийн сангаас худалдаж авах шаардлагатай болж байгаа хэрэг. Ерөндөг тавина гэдэг өөрөө бас ажиллагаатай, шинэ багаж хэрэглэх шаардлагатай гээд яалт ч vгvй төлбөртэй болчихдог. Өрхийн эмнэлэг чинь vнэ төлбөргvй тавьж өгнө шvv дээ. Та яах гэж заавал мөнгө төлж энд тавиулах гээд байгаа юм бэ гэхээр манай тэнд алга байна гэх юм. Тэр хvнд яг тохирох хамгаалах хэрэгслийг сонгохдоо нас, зуршил, амьдралыг хэв маяг, биеийн ерөнхий эрvvл мэнд, элдэв өвчин эсэргvvцэх чадвар, санхvvгийн боломж зэргийг хvртэл харгалзаж vзэх хэрэгтэй байдаг.

АСУУЛТ
Би 23, 25 насандаа төрж байсан. Бага хvvхдээ гаргаснаас хойш одоо 20 жил өнгөрчээ. Хэдэн жилийн өмнө vзvvлэхэд төрөх vеийн хярзангийн урагдал оёогvй орхисон байна гэж байсан. Одоо оюулж болох уу? Л. УБ

ХАРИУЛТ

Энэ бага зэрэг буруу ойлголт байна. Хэрвээ төрөх vед хярзан урагдсан бол тvvнийг заавал оёсон байх ёстой. Хярзан урагдана гэдэг чинь цус гараад тогтохгvй, өтгөн шингэнтэй нийлж магадгvй гэсэн vг шvv дээ. Тэгхээр тэр чигээр нь орхичих эмч гэж байхгvй байх. Харин суналт, язралт бол байж болох юм. Суналт, язралт нь эргэж задарсан бол бага зэрэг vлдсэн байх магадлалтай. Одоо оёулахад болохгvй юм байхгvй. Харин тийм шаардлагатай юу, vгvй юу гэдгийг мэдэх хэрэгтэй. Шээс задгайрах юм уу, хярзантай холбоотой асуудлууд гарвал мэргэжлийн эмчид vзvvлээд косметик оёдол тавиулж болно.

АСУУЛТ
Савны гадуур жирэмслэлт гэж яг юуг хэлж байгаа юм бэ? Ямар учраас ийм зvйл тохиолддог, ямар vед давтан тохиолддог вэ? Үvнээс яаж урьдчилан сэргийлэх вэ? О. 34 н. УБ

ХАРИУЛТ

Умайн гадуур жирэмслэлт гэдэг нь умайн хөндийгөөс өөр газар, тухайлбал умайн гуурсан хоолой, өндгөвч зэрэгт vр тогтсон өндгөн эс бэхлэгдэхийг хэлнэ. Умайн гадуурх жирэмслэлт ихэвчлэн vрэвслийн гаралтай байдаг. Тvvнээс гадна vр дамжуулах хоолой хэт урт, нарийн тахиралдсан байх зэрэг нь нөлөөлнө. Үрэвсэлт өвчнөө эмчлvvлэхгvй архагшуулах, умайн гуурсан хоолойн төрөлхийн гажигтай vед нөгөө талд давтан тохиолдохыг vгvйсгэхгvй. Сvvлийн vед бэлгийн замаар халдварладаг төрөл бvрийн vрэвсэлт өвчнvvд газар авч байгаатай холбоотой умайн гадуурх жирэмслэлт ихсэх хандлагатай байна. Умайн гадуурх жирэмслэлтээс урьдчилан сэргийлэхийн тулд бэлгийн замын vрэвсэлт өвчнvvдээр өвчлөхгvй байх, өвчилсөн бол тууштай сайн эмчлvvлэх шаардлагатай.